خلاص هى بقت بالحجز ؟!

معرفش هيا عادات ولا تقاليد ولا قلة عقل
ولا هوا من الاخر كدة بيعة والسلام
لما تشوف بنت كل حياتها من البيت للمدرسة للدروس للكتب
وتخلص دول للكلية وكل حياتها مستقيمة ومش تشوف منها الا كل خير
وتيجى بعد كل دة تحكم عليها بحاجة بجد تقول عليها السجن اهون ليها
تضيع عمرها فى انها ترضى اهلها وتفرحهم بيها وبنجاحها وتفوقها
ولما تخلص كتير بيجرى على بنت انها فى صفات كويسة
عشان يتقدم ويطلب ايديها
عارفين لما تروح والبنت تسمع من امها وانت كواحد رايح تتقدم
وتلاقى اهلها يقولوا ليك اسفين يا ابنى
البنت محجوزة
البنت محجوزة ازاى يا طنط
ايوة واحد متكلم عليها وحاجزها
اول ما تخلص الدراسة هيشبكها
والبنت لا حول ليها ولا قوة
ولا تعرف الموضوع دة من اساسة
يعنى من الدار للنار
تتجوز واحد متعرفش عنةو حاجة
والاتفاق داير من بين الام وام الولد اللى محجوزة لية البنت
مش عارف دة الناس بتوصل لية ازاى
اازى اصلا فكرهم يوديهم لكدة
ازاى مش ياخدوا راى البنت فى الشاب دة من قبل ما يتفقوا على كل حاجة
وازاى مش ياخدو رايها فية اصلا
انا مش عارف
ومش عارف دة بقى موجود فى كل مكان ولا فى اماكن معينة
ومش عارف انتم لو فى المواقف دى هتعملوا اية
ولو اهلم خلاص اخدت القرار النهائى

وانت كشاب ترضى ان البنت اللى هترتبط بيها تكون مغصوب عليها
ولا انت نفسك ترضى والدتك تقولك خلاص
انت لفلانة وفلانة ليك
احنا متكلمين عليكم لبعض من زمان
مستنى ارائكم