عاوز تحتفظ بالمفضله بتاعة الفايرفوكس على طول.
النهارده حبيت اقولك على مشكله بتواجه اغلبنا بعد تسطيب الويندوز
وده للى بيستخدموا المتصفح فايرفوكس....وهى ان المفضله بيتمسح منها المواقع الى كنت وضعتها فيها
تعال بقى معايا خطوه بخطوه كده وانا اقولك تعمل ايه
افتح صفحه الفايرفوكس عادى خالص
واضغط فوق على bookmarks ( العلامات )
ودور على organize bookmarks ( نظم العلامات )
هتلاقى فوق فى 3 كلمات
organize ( نظم )
view ( مشاهد )
import and backup ( التصدير والحفظ الاحتياطى )
اهى الكلمه التالته دى بقى الى احنا عاوزينها
نضغط عليها ونختار export HTML ( صدر HTML )
بعد كده نختار اى مكان عشان نحفظ الملف فيه
بس طبعا مايكونشى الديسكتوب او ال C
اى مكان تانى فى ماى كمبيوتر
ماشى كده ....؟؟؟؟
بعد بقى التسطيب هتلاقى المفضله بتاعتك فاضيه زى العاده
تعمل ايه بقى...؟؟؟
نفس الطريقه الى فاتت بس بدل ما تختار كلمه export HTML ( صدر HTML )
هتختار المره دى كلمه import HTML ( استورد HTML )
هيظهرك مربع بعنوان import wizard ( مرشد الاستيراد )
وتختار العنصر التانى from an HTML file ( من ملف HTML )
وبعد كده تضغطى على NEXT ( التالى )
وهات بقى الملف الى كنت حفظته قبل كده واضغط على OPEN
روح بقة كده على المفضله بتاعتك هتلاقى كله بقى تمام واخر ألسطه
موضوع: عاوز تحتفظ بالمفضله بتاعة الفايرفوكس على طول. 
الجمعة 9 سبتمبر 2011 - 13:45
!!تنبيه !!