الصوره كبيره او مقلوبه؟ تعالى اعرف ازاى تظبطها
لاحظت ان كتير بتقابله مشكله فى تنزيل الصورة اما انها تطلع كبيره قوى او تطلع مقلوبه
هنشوف هنا ازاى نصغر الصورة ونغير امتدادها ونعدل الصور المقلوبه
اولا لتصغير الصور
بتقف على الصورة كليك يمين بتدوس عليها
بالناحيه اليمين من الماوس وتختار open with هتفتح لك قايمه اختار منها
paint هتلاقى الصورة اتفتحت ف برنامج الرسام اللى هو ال paint
فوق هتلاقى قوايم افتح قايمه image واختار تانى
اختيار اللى هو stretch/skew هتتفتح لك وندو صغيره وفيها مربعين كل واحد
مكتوب فيه 100% قف على رقم 100 ده واكتب مكانه 50 والمربع اللى تحته نفس
الحكايه يعنى المربعين اكتب فيهم 50 ودوس ok
هتلاقى الصوره بقت صغيره ولو احتاجت تصغرها كمان كرر نفس الخطوة
ولما تظبط الحجم اللى يعجبك روح قايمه file
هتنزل لك قايمه اختار منها save as هتتفتح لك وندو اتبع الخطوات اللى
باينه اولا هتسمى الفايل باسم تختاره وهتختار الامتداد الموضح لانه بيبقى
سهل ف رفع الصورة وطبعا هتختار المكان اللى هتحفظها فيه على الكمبيوتر
وما تنساش تدوس save
العلامتين بالقلم الاحمر الاولى مكان اسم الصورة اللى هتحدده بنفسك
والتانى اللى تحته ده الامتداد الافضل للصورة هتختاره من قايمه الامتدادات اللى هتطهر لك لما تدوس على السهم الصغير اللى جنبه
وبعدين تدوس save اوعى تنسى
بالنسبه للصور المقلوبه هنفنح الصورة بنفس الطريقه السابقه كليك يمين
open with
paint
وهتروح قايمه image وتختار اول حاجه فيها اللى
هى flip/Rotate هتلاقى وندو صغيره فتحت اختار اخر دايره وحط فيها النقطه
الخضرا واختار عايز تلف الصورة بانهى زاويه او الصورة مقلوبه بالجنب
اختار 270 درجه ودوس ok
كده قلبنا الصورة 270 درجة
وبعدين تروح قايمه فايل وتختار save
موضوع: الصوره كبيره او مقلوبه؟ تعالى اعرف ازاى تظبطها 
الأربعاء 13 أبريل 2011 - 14:10
!!تنبيه !!