نكت × نكت ( أضحك من قلبك )

نكت×نكت
1- واحد بخيل نام وحلم انه بيوزع فلوس ، صحى من النوم وقال أدى دقنى اهى لو نمت تانى ..

2- واحد اتصل بمراته فى التليفون، قالها حضرى المية السخنة أنا جاى فى الطريق ، فصاحبه قاله يااااااااادانت حمش اوى ، قاله طبعآ امال ايه يعنى ، اغسل المواعين بمية باردة؟؟ .

3- واحدة حلوة كل ما تمشى فى الشارع تتعاكس ، قالت يا ريتنى ارجع لأيام زمانايام الناس الحلوة المؤمنة ، وسرحت شوية انها رجعت للأيام دى ، فلقت ابولهب بيقولها ، واللاتى والعزة ، انكى لمزة .

4- واحد مصرى اخترع اله بتصيدالحرامية ، فحطها ف مصر صادت خمسين حرامى ، وحطها فى العراق صادت 100حرامى ، وحطها فى فرنسا صادت 200 حرامى ، وحطها فى شيكاغو فأتسرقت .

5- واحد بيقول لأبوه ، باباااااااااااا انا عايز ادرس بره ، قاله ابوه ، وماله حبيبى قومى يا حجة افرشيله فى الحوش .

6- صرصار فى العناية المركزة بيقول للصرصار اللى على السرير اللى جنبه ، شبشب برضه ولا بيرسوووووول؟؟؟

7- صرصار اشترى تليفزيون اول ما ولعه لقى اعلان مبيد حشرى ، قال من اولها كده افلام رعب!!!!!!!

8- موبايل قال للشريحة انتى طالق ، طالق طالق بالتلاتة ، قالتله يخربيتك ، منك لله ، والرصيد اللى ف باطنى .

9- صعيدى بيموت واهله جنبه فىالمستشفى ، فأبوه بيقولى يا بنى انطق الشهادة ، يا ابنى انطق الشهاده ،فتح عينه بالعافية وقال " دبلوم تجارة " .

10- مرة واحد اهبل ، امه اتحرقت وولعت وهى قاعدة جنبه ، قالها منووووووووووووورة يا حاجة .

11- صعيدى دعا ربنا 15 سنة ان يرزقه بطفل ، جاله فى الأخر واحد وقاله ابوس ايدك اتجوز .

12- فار سكران جنب قطة ميتة ، واول ما صحى وفاق وشاف القطة ، قال هعععععععع انا عارف نفسى لما بسكر بفترى .

13- حمار بيقول لخطيبته هنتجوز امتى يا حمارة ، قالتله لما تحسن ملافظك يا حيوان .

14- صعيدى هيجنن مدرس الجغرافيا ، عايز يعرف خط الأستواء ده موبينيل ولا فودافون؟؟؟؟

15- صعيدى راكب الطيارة ، المضيفة بتقوله ، تحب نجيبلك عشا كامل؟؟؟؟؟ قالها ليه هو كامل مش هيتعشى .

16- صعيدى بيشنقوه فقاعد يشاورلهم بأيده ويفلفلص ، فنزلوه وسألوه ايه فى ايه ؟؟؟ قالهم كنت هموت يا جززززززززم .

17- موظف غلبان خصموا ربع مرتبه تبرعات لصالح فلسطين ، من غيظه اتبرع بالباقى لأسرائيل .

18- سمسار راح يخطب واحدة ابوها قاله مهرها 150 الف جنيه ، قاله ليه عايزها ع الشارع ؟؟؟؟؟؟

19- مرة واحد قتل ابوه عشان يطلع رحلة مجانية للأيتام ، وبعدين قتل عمه عشان ابن عمه يجى يونسه .

20-مسطول دخل يمتحن ، جاله سؤال بيقول ، ضع كلمة " إن " فى جملة من عندك فكتب " اشتريت موبايل إن سبعين "

21- مدرسة بتقول طفل عندك كام سنة قالها 5 ، قالتله طيب عد من واحد لخمسة واديك بوسه ، قالها طب اعد لعشرة وتيجى معايا البيت؟؟؟؟؟

22- واحدة سمرة اوى ركبها عفريت ، حاولوا يطلعوه ، قالهم انا نفسى اطلع بس مش شااااااااايف .

23- صعيدى سمع ان فى 100 واحد ماتوا فى الحج ، قال ربنا يستر وميكونش فيهم مسلمين

24- واحد وخطيبته قاعدين ع الكورنيش ، والنور اتقطع ، فقالتله يالا خد فرصتك ، فارح خطف الشنطة وجرى .

يا رب تعجبكم .[ندعوك للتسجيل في المنتدى أو التعريف بنفسك لمعاينة هذا الرابط]

هههههههههههههههههههههه

حلوة جدا ابو عمرو

تسلم يا كبير

» أيه هزت القلوب ........... فهل تهز قلبك....؟
» ما نوع قلبك يا ادم وهل هو في هذه القائمة هنا؟
» mr bean اضحك من قلبك
» ليكن قلبك كصدفة بحر
» أيهما أهم قلبك أم كرامتك ؟؟؟