حواري مع الريس

السلام عليكم ورحمه الله
ازيكم يا احلي ناس
انا هنشر حاجه كنت كاتبها السنه اللي فاتت
ودي اول مره انشرها ع الملأ نظرا لدواعي تيت تيت تيت
طبعا فاهمين
المهم
ده عباره عن حوار بيني وبين الريس(طبعا المفروض السنه اللي فاتت)
المهم

ده حوار بين شاب مصري والريس
[size=18]*****
بسألك يا ريس سؤال بس رد بمجدّعه
ليه الفضائل بقت اوهام والنفاق حقيقه متلمّعه
قالي يا ابني حل عني دانا دماغي مصدّعه
ولا اقولك؟ طب هقولك ما هو دا اخر ما هتسمعه
ماما ريكا قررت وقالت وكلمتها طبعا مسمّعه
لا للختان لا للنقاب ونعم للفتن المقنّعه
واللي يتوه عن دينه هو بس هنمتّعه
والمعاصي في القلوب وبفراقها مدمّعه
واللي يعاند او يخالف هنخلي حياته مفرقّعه
وتكون حياته مثلث مستطيل علي شكل دايره مربّعه
وسفاله مع وقاحه وقله ادب متشرّعه
والبنات بلا حياء وتحت الركبه مقطّعه
واللي يعلي في البلادي لازمه حاجه من الاربعه
قله دين,فساد ,ظلم,وحبه مصالح متنوعه
قلت يا ريس فين الرجوله والمجدعه؟
قالي شنبي انا حلقته وسويسرا بفلوسي مزرّعه
قلت الرجوله مش بفلوس ولا بشوارب مترفّعه
الرجوله يعني ايمان وكلمه حق مسمّعه
التليفون رن....قام في لهفه وصربعه
وبحنيه رد وقال ..اهلا بريكا المدلّعه
وانا اقول...اهلا بأس الزعزعه
ايه يا ريكا مفيش شويه معمعه؟
وانا اقول..المعمعه في جهنم مولّعه
ايه؟ قرار؟ قولي وانا للشعب بكره هسمّعه
قفل المساجد وبالاحمر متشمّعه؟
علم .والمقابل؟ ايه؟ معلقه كبيييره بالدهب مترصّعه؟
قلت ..علشان كروشكم في لحظه تبقي متشبّعه
وبعد ما خلص غني يا حلوه يا بلحه يا مقمّعه
قولتله..انا مقدرتش عليك اه بس قدرت علي ابليس البردعه
فهمها الغبي وشتم وقال
يا ابن ستين في تمنين في تلاته مسبّعه
اهو انتا وامثالك خلوا سمعتنا مترقّعه
يا حراس.!! خدوه واقتلوه وخلوا عظامه مخلّعه
قولت ان كان عليا دا في غيري ملايين متجمّعه
مصريين عن الذل نفوسهم متمنّعه
وبالايمان والاخلاص يوم القيامه متشفّعه
ولثوره الحق يا ظالم متشجّعه
ولثوره الحق يا ظالم متشجّعه

وراح الولا بعد الضرب والطرقّعه
************

مع تحيات fezo

الجزء الثاني .....,,,علي هذا الرابط [ندعوك للتسجيل في المنتدى أو التعريف بنفسك لمعاينة هذا الرابط]

اولا اهلا يا احمد الحمد لله عالسلامة
منور من تاني

والكلمات رائعة جدا

سلمت يداك اخي

تحيتي وتقديري

kadere
لانه ممكن ما تعرفني بالاسم الجديد

ههههههههههههههههههههههههه
و الله انت اللي دمغك مطرقعة
هههههههههههههههههههههههههههههههه

بجد تحفة التحفة يا فيزو
و طبعاً انت قولتهولي قبل كدة بس طبعاً في الخباثة
ههههههههههههههههههههه
عجبني جداً انك نشرته دلوقتي
تسلم ايدك و يسلم قلمك الراقي
تحيتي و تقديري

راااااااائعة يا احمد

ياريت تفتكرنا داايما بكتاباتك التحفة دى

لك خ ــالص تقديرى

Angel Eyes كتب:: اولا اهلا يا احمد الحمد لله عالسلامة
منور من تاني

والكلمات رائعة جدا

سلمت يداك اخي

تحيتي وتقديري

kadere
لانه ممكن ما تعرفني بالاسم الجديد

رنا يعزك يا محمد
ومتشكر ع المرور والرد
عيب عليك...انا عرفتك من اول نظره
دي عشره يا ابني ولا ايه؟
ههههههههههه

mostafazaky كتب:: ههههههههههههههههههههههههه
و الله انت اللي دمغك مطرقعة
هههههههههههههههههههههههههههههههه

بجد تحفة التحفة يا فيزو
و طبعاً انت قولتهولي قبل كدة بس طبعاً في الخباثة
ههههههههههههههههههههه
عجبني جداً انك نشرته دلوقتي
تسلم ايدك و يسلم قلمك الراقي
تحيتي و تقديري

ههههههههههههههه
مطرقعه؟ ههههههههههههه
ماشي يا درش
حبيب قلبي والله
اه فاكر لما بعتهولك في الخباثه؟
ههههههههههههههههه
ربنا يعزك
والله سعدت بمرورك وردك الغاليين

Ťђє Pяin¢єśś كتب:: راااااااائعة يا احمد

ياريت تفتكرنا داايما بكتاباتك التحفة دى

لك خ ــالص تقديرى

اميرتنا
منوراني والله
ربنا يعزك
الرائع هو مرورك والله
متشكر ع المرور والرد

هههههههههههههههههههههههه

افهم من كده انك خلاص مش خايف

بجد جنااااااااااااااااااااااااااان
تسلم ايدك

[ندعوك للتسجيل في المنتدى أو التعريف بنفسك لمعاينة هذه الصورة]

والله والله والله
انا ما كنت خايف ولا حاجه
وفعلا كنت ناوي انشرها وقتها
بس في ناس نصحوني مش انشرها
مع العلم اني كنت بقولها لاي حد
وتحياتي لمرورك يا سما
ومتشكر ع الاشاده

لأ كنت خايف
انا بنفسي كنت ماسكلك طاسة الخضة
كل ما واحد يخبط عليك الباب كنت بتنفزع من مكانك و تقول
مش أني .... مش أني
زي محمود المليجي في الفيلم
هههههههههههههههههههههههههههههههههههههه

ههههههههههههههه
لازم تسيحلي يعني
هههههههههههههههه
ربنا يعزك يا غالي

ههههههههههههههههههههههههههههههههه

جااااااااااااااااااااااااامدة جدددددددددددددددددداً

قالي شنبي انا حلقته وسويسرا بفلوسي مزرّعه

الواد دة هيتمسك بكرة أنا متبري منك ههههههههههههههههههههههههههه

إية الحلاوة دية دة إنتا بتقول شعر أحسن من الواد زكي الزبال
وحسن سلكة

إنت لازم تتعرض علي مسئولين فوراً

ههههههههههههههههههههههه
زكي الزبال وحسن سلكه؟
الله يخرب عقلك
اكيد شعرهم باين من اسمهم
ههههههههههههههههههه
تسلم يا طقطق ع المرور والرد

» حواري مع الريس ((بعد الثوره))