=====بلادي يابلادي =====
صوت بلادي بيدوي عبر الأجيال
صوت حضارة من يومها جبارة
ياما صنعت أبطال ورجال
صوت شعب ماشي آلاف السنين
كل خطوة منه كفاح ملايين
أمجاده كتبها بحياته
مصر حياتها خطا المخلصين
عيش حياتك بس ابحث عن ذاتك
يا مصري وشوف عمرها كام
نور وجودك من خطوة جدودك
شارة عزم وخير وسلام
صوت شعب مصري وأعظم ما فيه
أي أخ عربي يعوزه يلاقيه
أمجاده كتبها بحياته
مصر حياتها خطا المخلصين
رجالة وطول عمر ولادك يا بلدنا رجالة
وغلاوتك يا بلدنا والله مش محتاجة قوالة
منديل الاسمراني فارد عالشط بقناديله
والمصري سكته محروسة بقرآنه وإنجيله
من صوت التاريخ يا مصري تقدر تعرف ذاتك
وهبت لي الدنيا دنيا جديدة من نبض حياتك
وقت ما كان لسة العالم بيعيش تايه في الغابة
مصر كانت دولة وليها راية فوق اعلى سحابة
سحابة وندهت للشمس قومي طلي عالوادي
شوفي مصر الفراعنة ف وادي والعالم ف وادي
ده المصري ف الوادي الأخضر كان سابق زمانه
بيتمشى ف مزراع قمحه وجناين رمانه
ذاتك ف القرية نشئت يا مصري ف وسط عيلة
والأرض الطيبة فرشتها وسماها ضليلة
بتصادفك يا مصري شدايد لياليها طويلة
بتهزمها بخطوتك الجاية م الأرض الأصيلة
وأصيلة يا خطاوي ولادنا وتسلم الخطاوي
يا جاية من كفر بهية أم الطرحة محلاوي
وبهية ياما جدي حكالنا عنها أنا واخواتي
ياما خبزت وقالت له علم صبياني وبناتي
بشراكي يا أرض بلدنا المواكب حواليكي
سمعوكي وقالولك جينا نبني ونزرع فيكي
والشعب اللي امبارح جاب النصر ف أعظم صورة
بالعلم وبالحب أهو جالك بالخطوة المنصورة
ومنصورة دايما يا بلدنا والبركة في شبابك
ده طريقهم عرفوه ومنور باسم الله على بابك
يا ما شالله يا جدعان يا ما شالله ويا خمسة وخميسة
دي العيلة بتستنى شبابها يزوقوا العروسة
صوت بلادي بيدوي عبر الأجيال
صوت حضارة من يومها جبارة
ياما صنعت أبطال ورجال
صوت شعب ماشي آلاف السنين
كل خطوة منه كفاح ملايين
أمجاده كتبها بحياته
مصر حياتها خطا المخلصين
عيش حياتك بس ابحث عن ذاتك
يا مصري وشوف عمرها كام
نور وجودك من خطوة جدودك
شارة عزم وخير وسلام
صوت شعب مصري وأعظم ما فيه
أي أخ عربي يعوزه يلاقيه
أمجاده كتبها بحياته
مصر حياتها خطا المخلصين
منقوووووول
موضوع: ===== بلادي يابلادي ===== 
الجمعة 11 فبراير 2011 - 14:20
!!تنبيه !!