ايام الخطوبة السعيدة ممنوع دخول الرجال

بسم الله الرحمن الرحيم
*****************
آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس

قصدي قفص الزوجية السعيد ..

أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه

1
الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا

2
العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة

3

الشوووربة.. أبوس كعب رجلك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك ..بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميّليه.. عشان تلهطيها لآخر نقطة

4
الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه

5

المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود

6
السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح
شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك

7

الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

8

البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي

9

الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي

10

ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

اسمعوا الكلام وابقوا قولولى

هههههههههههههههههههههههههههههههههههه

ههههههههههههههههههههههههههههههههههه

ههههههههههههههههههههههههههههههه

والله هفطس من الضحك يا محمد

توبيك جااااااااااامد جدااااااااااااااا

تسلم على النقبل الرائع

ههههههههههههههههههههههههههه
ههههههههههههههههههههههههههههههههههه

هههههههههههههههههههههههههههه

دي اخدت ساعه من الوقت لحد ما جبتها

بعد ما وقعت من ع الكرسي وعورت نفسي من كتر الضحك

استجمعت قواي وجبتها ليكم

منورة اميرة

ههههههههههههههههههههههههههههههههههههههه

إية يا محمد مش كدة يا جماعة

أنا لسة خاطب جديد يعني ممكن كدة نرجع في كلامنا لو عملت كدة ههههههههههههههههههههههههههههه

(طيب مينفعش النصايح دية للرجال)؟؟؟؟؟؟؟؟؟؟؟؟؟

ههههههههههههههههه

لا يا بني

النصائح دي بس للبنت

الراجل عادي يعمل الي هو عاوزة

مهو الراجل

هههههههههههههههههههههه

هههههههههههههههههههههههههههههههه

طيب إذا كان كدة هروح أشفط .... أقصد أشرب شوربة أصلي معزووووووووم
ههههههههههه

تسلم يا محمد علي الموضوع

يلا يا عم روح اشقط ومصمص على كيقك

ههههههههههههههههههههههههههههههههههه

دي نصيحه مني

وابقى قبلني لو لقيت وحدة ترضى فيك

هههههههههههههههههههههههههههه

» فن الاتكيت ايام الخطوبة
» للشباب فقط....ممنوع دخول البنات
» للرجال فقط...ممنوع دخول البنات منعا للأحراج
» حــادث لفتاة صور محزنه جدا ( ممنوع دخول الاطفال واصحاب القلوب الرقيقه)
» يا هيك الرجال يا بلا