صدقنى....... انا عارف !!!!

صدقنى أنا عارف

صدقنى أنا عارف إن الصلاة فرض وإنى لازم أصلى فى الجامع

صدقنى انا عارف إن السجاير حرام وإنها بتضيع فلوسى وصحتى

صدقنى أنا عارف ان القهاوى حرام

صدقنى انا عارف إن المفروض ما أرتبطش بالبنات وأكلمهم وإنى إلى هعمله معاهم هيتردلى فى عيلتى

صدقنى انا عارف إن أنا على غلط وإن أنا كده قريب من النار

صدقنى أنا عارف أن الحشيش والإستيلا والمخدرات حراام وبتضيعى عقلى وبتخلينى زى الحيوان

صدقنى أنا مش وحش وأنا بحب ربنا وبحب النبى صلى الله عليه وسلم

صدقنى .... وصدقنى .... وصدقنى.......

صدقنى أنا عارفه إن شعرى لا زم أغطيه وإنى باخد بكل شعرة بتبان منه سيئه وإن كل شاب بيتفتن بيا باخد سيئه عليه

صدقنى أنا عارفه انى إنى لازم أصلى و إنى أحافظ على نفسى لحد ما أتجوز

صدقنى انا عارفه إن المفروض مقعدش على قهاوى وأشرب شيشة

صدقنى انا عارفه إن المفروض محدش يلمسنى غير إلى يحل ليا بس

صدقنى أنا عارفه إنى المفروض ما أنزلش من بيتنا بالهدوم دى

صدقنى ...وصدقنى ...وصدقنى........

وفى الأخر إدعيلى ربنا يهدينى

معلومة بسيطه ...المعرفه غير الإيمان ...

إنك عارف أن الصلاة فرض مش كفاية كلنا عارفين المحشش أو إلى بيخدر وبيسمع الأذان بيوطى صوت الكاسيت وقت الأذان إنما لو كان مؤمن كان نزل صلى

انا عارف إنك عارفه إن الحجاب فرض بس فين حجابك فين إيمانك إنك لازم تكونى عفيفة إنك أغلى من الجواهر(متقوليش القماشة إلى على الراس دى حجاب مش هنضحك على بعض)

إنتوا فيــــــــــــــــــــــــــن ورايحين فين

أنتوا مستنين إيـــــــــــــــــــــــــــــــه؟؟

مستنين إن أخوك أو أختك أو بنتك تموت قدامك وهى بتعمل المعصية

مستنى إن ربنا يبتليك بسرطان ولا شلل عشان تتوب وتفوق من إلى أنت فيه

مستنيه إن ربنا يبتليكى بمرض جلدى عشان تخبى جسمك ?

ولا مستنى ربنا يعميك بعينك إلى ما بتسيبش بنت معدية إلا و فحصت كل حته فيها

مستنى إنك تدخل القبر ويسألك الملكين من ربك ومن نبيك وما دينك هترد بإيه ..هرتد بإلى كنت عايش عليه فى الدنيا كنت بتعيط عشان حبيبك ومعيطش من خشية ربنا كنت بتبص للبنات ومبصتش فى كتابه تقرأ قرآنه هتقول إيه لنبيك على الحوض هتقوله انا بحبك بس مبسمعش كلامك

احنا شباب ومش عايزيين الوقت يجرى منا فى محرمات وفى الاخر نندم مش عايزين يا شباب نندم على معصية بايدنا اننا مانعملهاش
علشان الدنيا دى يتصلح حالها لازم نتقى الله
بالله عليكم اتمسكوا اكثر بدينكم علشان يوم ماتتسأل عملت ايه لنصرة دينك تبقى عارف ترد

منقوووووووووووووووووووووووووووول

لا حول ولا قوة الا بالله العلي العظيم

مشكوووووووووووورة مي على التوبيك الرائع

ومشكورة على التذكير اختي

بارك الله فيكي

الشكر لله اخى محمد

تسلم لمرورك

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لمرورك اخى ابوعمرو

شكراً علي الموضوع الرائع يا أميرة ههههههههههههههههههههههههههه

أقصد يا يويا معلش يا بنتي العتب علي النظر ههههههههههههههههه

تسلمي علي الموضوع الرائع

لا اله الا الله

ده انت حالتك صعبه اوووى يا طارق

ايه معندكمش دكاترة عيون فى المنيا ولا ايه ؟؟؟

ههههههههههههههههههههه

شكرا على المرورك الاحول ده

هههههههههههههه

» عارف ليه بنأذن فى اذن المولود...
» اعرف اسم الجهاز اللى داخل عليك و انتي مش عارف