اللحمه الضانى المشويه وكل سنه وانتوا طيبين

[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم يا اهل المنتد الكرام
كل سنه وانتوا طيبين كده وانا حبيت ان اول موضوع ليا هنا يكون ريحته حلوه
هقولكم ازاى تعملوا اللحمه الضانى المشويه دلوقتى اقولكم ايه احلى حتتين ممكن يتشووا من الخروف الامور
اولها واللى كلنا عارفينها هى الريش والتانيه هى من بيت الكلاوى ليه لان اللحمه بتون رقيقه ومش بتاخد سوا كتير المهم نقول المقادير
نصف كيلو ريش ضانى
نصف كيلو لحم من بيت الكلاوى
2بصله كبيره ومفرومه ناعم قوى
ملح وفلفل اسمر
شوية زعتر ناشف
سنه صغيره قرفه مطحونه
عصير ليمونتين
الطريقه بقى
انتى تخلى الجزار الجميل بتاعك يقطع الريش قبل ما تجيبيها عشان ماتتعذبيش انتى في تقطيعها
وبعدين تقطعى اللحمه التانيه شرائح تخينه ولما تغسليهم كويس تنقعيهم فى البصل والفلفل والزعتر والليمون والقرفه
وتسيبيهم نص ساعه فى التلاجه وبعدين تطلعيهم من التلاجه وتدهنى الشوايه بالزيت وترصيهم بعد ما الشوايه تسخن على الاخر
واول ما تلاق الدم ابتدى يطلع من اللحمه اقلبيها على الوش التانى ولما الدم يطلع من الوش التانى اقلبيها على الوش الولانى لحد ما تستوى عشان ده اللى بيخليها طريه من جوه وبعدين لما تستوى من الجهتين طلعيها على بقدونس مفروم وبالهنا والشفا

تسلم الأيادى ام سارة